შსს ადასტურებს აზერბაიჯანელი ჟურნალისტის აფგან სადიგოვის დაკავებას და აცხადებს, რომ მის წინააღმდეგ სოციალურ ქსელში პოლიციელის მიმართ შეურაცხყოფის ფაქტზე, ადმინისტრაციულ სამართალდარღვევათა კოდექსის 173-ე მუხლით, შესაბამისი საქმის წარმოება დაიწყეს.

"აფგან სადიგოვი ქალაქ თბილისის პოლიციის დეპარტამენტის თანამშრომლებმა, სასამართლოში წარდგენისა და საქმის დროულად განხილვის მიზნით, 4 აპრილს დააკავეს.

საზოგადოებას შევახსენებთ, რომ აფგან სადიგოვი 62-ჯერ იქნა გამოვლენილი სხვადასხვა ტიპის ადმინისტრაციული სამართალდარღვევის ფაქტზე, მათ შორის შეკრება-მანიფესტაციის წესების დარღვევაზე, რისთვისაც მას ორჯერ უკვე მოხდილი აქვს ადმინისტრაციული პატიმრობა.

აფგან სადიგოვი წარდგება სასამართლოს წინაშე, სადაც ზეპირ სხდომაზე მოსამართლე იმსჯელებს ადმინისტრაციული სამართალდარღვევის ჩადენის ფაქტზე და ფაქტის დადასტურების შემთხვევაში, შესაბამისი სახდელის დაკისრებაზე", - ვკითხულობთ შსს-ს მიერ გავრცელებულ განცხადებაში. 

აფგან სადიგოვის დაკავების შესახებ ცნობა Facebook-ზე თავდაპირველად სოციალური სამართლიანობის ცენტრის ხელმძღვანელმა თამთა მიქელაძემ გაავრცელა. ამის შესახებ დაწერა აფგან სადიგოვის ცოლმა სევიჩ სადიგოვამაც.

ის წერდა, რომ ჟურნალისტზე პოლიციამ დაკავებისას ფიციკურად იძალადა. ამასთან, აღნიშნა, რომ პოლიციამ სახლთან დამონტაჟებული სამეთვალყურეო კამერის ჩანაწერები წაშალა.

ავტორი: ექსპრესნიუსი,

სოციალური ქსელები

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ

ყველაზე მასშტაბური გუნდური ოლიმპიადა საქართველოში - როგორია საქართველოს ბანკის და კომაროვის STEM ოლიმპიადა