ანასტასია მეტელკინა და ლუკა ბერულავას სპორტულმა წყვილმა გუნდური ასპარეზობის თავისუფალ პროგრამაში ბრწყინვალედ იასპარეზეს

მილანი/კორტინას ზამთრის ოლიმპიურ თამაშებზე მედლებისთვის ბრძოლას აგრძელებენ ფიგურული ციგურაობის წარმომადგელები. ხუთი ფინალისტი ქვეყანა: აშშ, კანადა, იტალია, იაპონია და საქართველო გუნდურში ქულების გამომუშავებას დარჩენილ სამ დისციპლინაში შეუდგნენ.

ოლიმპიურ სარბიელზე პირველები გავიდნენ სპორტული წყვილები, მათ შორის ანასტასია მეტელკინა და ლუკა ბერულავა.

ევროპის მოქმედმა ჩემპიონებმა თავისუფალ პროგრამაში საკმაოდ დამაჯერებლად იასპარეზეს 139.70-ქულიანი შეფასება დაიმსახურეს და რაც მთავარია, უშუალო კონკურენტებს იტალიას და კანადას აჯობეს, ასევე ლიდერ აშშ-ს. საქართველოს წარმომადგენლებმა თავისუფალი პროგრამა მეორე ადგილით დახურეს. გარდა ამისა, გამოიმუშავეს გუნდური 9 ქულა.

ამ მომენტისთვის საქართველოს 41 ქულა აქვს და ხუთეულში მეოთხე ადგილზეა. 51 ქულით პირველზეა აშშ-ის გუნდი, შემდეგ მოდის იაპონია (49), იტალია (45), საქართველო და კანადა, რომელსაც ასევე 41 ქულა აქვს და დამატებითი მაჩვენებლით ვუსწრებთ.

ცოტა ხანში საკუთარ პროგრამას წარმოადგენს ანასტასია გუბანოვა, მოგვიანებით კი ნიკა ეგაძე იასპარეზებს.

ავტორი: ექსპრესნიუსი,

სოციალური ქსელები

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ

ყველაზე მასშტაბური გუნდური ოლიმპიადა საქართველოში - როგორია საქართველოს ბანკის და კომაროვის STEM ოლიმპიადა