აშშ-ის პრეზიდენტი დონალდ ტრამპი მომავალ კვირას ვლადიმერ პუტინთან პირად შეხვედრას გეგმავს, შემდეგ კი უკრაინის პრეზიდენტის, ვოლოდიმირ ზელენსკის მონაწილეობით სამმხრივი მოლაპარაკებების დაწყებას. ამის შესახებ The New York Times-ი ორ ინფორმირებულ თანამოსაუბრეზე დაყრდნობით იტყობინება. გამოცემის ცნობით, ტრამპმა თავისი განზრახვები ევროპელ ლიდერებთან სატელეფონო საუბრისას გააჟღერა, რომელიც ოთხშაბათს, 6 აგვისტოს შედგა. ერთ-ერთმა წყარომ განმარტა, რომ მოლაპარაკებები ვიწრო ფორმატში - მხოლოდ სამი სახელმწიფოს მეთაურის მონაწილეობით, ევროკავშირის წარმომადგენლების შუამავლობის გარეშე გაიმართება. როგორც NYT აღნიშნავს, ევროპელმა ლიდერებმა, რომლებიც ტრადიციულად რუსეთსა და უკრაინას შორის მშვიდობიანი მოგვარების შუამავლების როლს ასრულებდნენ, ტრამპის იდეა აშკარა წინააღმდეგობის გარეშე მიიღეს. გამოქვეყნების მომენტისთვის არ არსებობდა ინფორმაცია იმის შესახებ, დათანხმდნენ თუ არა ვლადიმერ პუტინი და ვოლოდიმირ ზელენსკი მოლაპარაკებებში მონაწილეობას.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა