გერმანიის კანცლერმა, ფრიდრიხ მერცმა თქვა, რომ უკრაინისთვის Taurus-ის ტიპის შორი რადიუსის ფრთოსანი რაკეტების გადაცემა "ვარიანტად" რჩება, თუმცა მისი გამოყენება განსაკუთრებით რთულია, ჯარისკაცების გასაწვრთნელად დიდი დრო არის საჭირო და ამ გეგმებზე ჯერჯერობით არ შეთანხმებულან.

ამის შესახებ მერცმა Tagesschau-სთვის მიცემულ ინტერვიუში ილაპარაკა.

"ჩვენთვის პრობლემა იმაში მდგომარეობს, რომ ეს სისტემა განსაკუთრებით რთულია და იმისთვის, რომ ჯარისკაცებმა მისი გამოყენება ისწავლონ, მინიმუმ ნახევარი წელიწადია საჭირო. მათ უკვე წვრთნიან? ამაზე ჯერ არ შევთანხმებულვართ. ამის შესახებ ზელენსკის ველაპარაკე, ეს ასევე კოალიციაში განვიხილე. ჯერ არ დაგვიწყია. ეს არის და რჩება ვარიანტად". - თქვა მერცმა. 

გერმანიის კანცლერმა ხაზი გაუსვა, რომ Taurus-ების გადაცემის შემთხვევაში მას არა გერმანელი, არამედ უკრაინელი ჯარისკაცები გამოიყენებენ. 

"ყოველთვის გასაგები იყო, რომ თუკი Taurus-ებს ვაწვდით, ამ იარაღებს არა გერმანელი, არამედ უკრაინელი ჯარისკაცები გამოიყენებენ. სხვათა შორის, იგივე ეხება სხვა ფრთოსან რაკეტებსაც, რომლებსაც გაერთიანებული სამეფო ანდა საფრანგეთი აწვდიან". - თქვა მერცმა. 

მერცმა ასევე გაუსვა ხაზი, რომ გერმანია უკრაინისთვის სამხედრო დახმარების მიწოდების კონკრეტულ დეტალებზე საჯაროდ აღარ გამოაცხადებს, რათა რუსეთს დასავლეთის ქმედებების ზუსტად შეფასება არ შეეძლოს. 

"ასევე ვთქვი, რომ ამ ფორმით მომავალში აღარ ვაპირებთ, საჯაროდ განვიხილოთ, თუ რა ტიპის იარაღს ვაწვდით ან რას ვაკეთებთ უკრაინის სამხედრო მხარდაჭერისთვის, რადგან მსურს, რომ პუტინს გარკვეული გაურკვევლობა ჰქონდეს იმასთან დაკავშირებით, თუ რას ვაკეთებთ საომარი კუთხით". - თქვა მერცმა. 

გერმანიის კანცლერმა ასევე აღნიშნა, რომ Taurus-ების გადაცემის შემთხვევაშიც გერმანია ომის მხარე არ გახდება. 

"მხოლოდ ერთი რამ არის ეჭვგარეშე და ამას ამ პროგრამაშიც გავიმეორებ: გერმანია ომში მხარე არ გახდება". - თქვა მერცმა. 

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა