უკრაინის პრეზიდენტი, ვოლოდიმირ ზელენსკი სტამბოლში მხოლოდ რუსეთის პრეზიდენტს, ვლადიმერ პუტინს შეხვდება, - ამის შესახებ უკრაინის პრეზიდენტის ადმინისტრაციის ხელმძღვანელის მრჩეველმა, მიხეილო პოდოლიაკმა გადაცემა The Breakfast Show-თან კომენტარში განაცხადა.

კითხვაზე, შეხვდება თუ არა ზელენსკი რუსეთის ფედერაციის სხვა წარმომადგენლებს 15 მაისს სტამბოლში, თუ ვლადიმერ პუტინი იქ არ ჩავა, პოდოლიაკმა უპასუხა : „არა, რა თქმა უნდა არა. ეს ფორმატი არ არის“.

მისი თქმით, რუსეთში ხელისუფლების სტრუქტურა ყველასთვის აშკარაა და ნაკლებად სავარაუდოა, რომ პუტინის გარდა სხვა ვინეს, მათ შორის რუსეთის საგარეო საქმეთა მინისტრ სერგეი ლავროვს ან რუსეთის პრემიერ-მინისტრ მიხაილ მიშუსტინს რაიმე გადაწყვეტილების მიღების უფლებამოსილება ჰქონდეთ.

„მხოლოდ პუტინს შეუძლია მიიღოს გადაწყვეტილებები ომის გაგრძელების ან შეჩერების შესახებ“, - განაცხადა პოდოლიაკმა.

მისი თქმით, სხვა ფორმატში ნებისმიერი შეხვედრა უაზროა და მხოლოდ დროს გააჭიანურებს.

პოდოლიაკმა ასევე განმარტა, თუ როგორ შეძლებს ზელენსკი პუტინთან პირისპირ შეხვედრის გამართვას იმის გათვალისწინებით, რომ მასთან პირდაპირ მოლაპარაკებებზე აკრძალვაა დაწესებული.

„ვფიქრობ, რომ ეროვნული უშიშროებისა და თავდაცვის საბჭოს ამ გადაწყვეტილებაში ცვლილებები შევა“, - აღნიშნა პოდოლიაკმა.

შეგახსენებთ, რუსეთის პრეზიდენტი ვლადიმერ პუტინი სტამბოლში 15 მაისს რუსეთ-უკრაინის პირდაპირი მოლაპარაკებების გამართვის შეთავაზებით გამოვიდა. აღნიშნულის საპასუხოდ, უკრაინის პრეზიდენტმა ვოლოდიმირ ზელენსკიმ განაცხადა, რომ ვლადიმერ პუტინს თურქეთში 15 მაისს პირადად დაელოდება.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება