საფრანგეთს, დიდ ბრიტანეთს და გერმანიას არ სურთ უკრაინაში კონფლიქტის დასრულება და მისი გაჭიანურების კურსს აგრძელებენ, - ამის შესახებ რუსეთის საგარეო საქმეთა მინისტრის მოადგილემ, ალექსანდრ გრუშკომ განაცხადა.

„აშკარაა, რომ ეს ქვეყნები კონფლიქტის გაჭიანურების გზას აგრძელებენ. თუ ამოვიღებთ იმ სიტყვიერ უაზრობებს, რომლითაც ისინი თავიანთ პოლიტიკურ ქმედებებს აყალიბებენ, მაშინ მთავარი, რის მიღწევასაც ისინი ცდილობენ, არის რუსეთის დამარცხება ბრძოლის ველზე, რუსეთის საერთაშორისო იზოლაცია, ეკონომიკური დახრჩობა და რეჟიმის შეცვლა. მათ ამ ოთხივე მიმართულებაში სრული ფიასკო განიცადეს, მაგრამ, მიუხედავად ამისა, ეს საერთოდ არ ამცირებს მათ სურვილს, მიაღწიონ თავიანთ მიზნებს“, - აღნიშნა გრუშკომ.

მისი თქმით, ევროპელი პოლიტიკოსების განცხადებებზე კომენტარის გაკეთება რთულია, რადგან მათი პოზიცია მოკლე დროში მკვეთრად იცვლება.

„რაც შეეხება მათ პოზიციებს ამ ეტაპზე, იცით, ჩემთვის ძალიან რთულია ამაზე კომენტარის გაკეთება, რადგან ზუსტად სამი კვირის წინ პოზიციები სრულიად საპირისპირო იყო. შეგახსენებთ, რომ საფრანგეთის პრეზიდენტმა [ემანუელ] მაკრონმა, ერისადმი მიმართვისას, განაცხადა, რომ საფრანგეთი არ უჭერს მხარს მყიფე ზავს. 30-დღიანი ზავი, განა მყიფე არ არის? ამიტომ ისინი დღეს ერთს ამბობენ, ხვალ მეორეს იტყვიან“, - აღნიშნა რუსეთის საგარეო საქმეთა მინისტრის მოადგილემ.

მისი თქმით, უკრაინის საკითხთან დაკავშირებით ევროპელი პოლიტიკოსების დამოკიდებულება აბსოლუტურად აშკარაა.

„თუ შევაფასებთ ევროპელების ხაზს უკრაინის საკითხებთან დაკავშირებით, აბსოლუტურად აშკარაა, რომ ეს არის კონფლიქტის გახანგრძლივების, რუსეთის მაქსიმალურად დასუსტების ხაზი“, - აღნიშნა გრუშკომ.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება