საქსტატის ინფორმაციით, 2024 წლის მე-4 კვარტალში საქართველოში უმუშევრობის დონე წინა წლის შესაბამის პერიოდთან შედარებით 1.1 პროცენტული პუნქტით შემცირდა და 14.2% შეადგინა. თუმცა, უმუშევრობა გაზრდილია წინა კვარტალთან შედარებით, როცა უმუშევრობის დონე 13.8% იყო. აღსანიშნავია ისიც, რომ 2024 წლის ბოლოს უმუშევრობა გაზრდილია როგორც პირველ ისე მეორე კვარტალებთან შედარებითაც.

2024 წლის მე-4 კვარტალში წინა წლის შესაბამის პერიოდთან შედარებით, დაქირავებულთა
რიცხოვნობა გაიზარდა 20.1 ათასით და 978.5 ათასს მიაღწია, ხოლო თვითდასაქმებულთა
რიცხოვნობა 19.7 ათასით გაიზარდა და 433.5 ათასი შეადგინა. ამავე პერიოდში უმუშევართა
რაოდენობა შემცირდა 14.7 ათასით და 233.9 ათასი გახდა.

რაც შეეხება სამუშაო ძალის მონაწილეობის დონეს (სამუშაო ძალის წილი 15 წლის და უფროსი ასაკის მოსახლეობაში), წინა წლის შესაბამის პერიოდთან შედარებით 0.6 პროცენტული პუნქტით გაიზარდა და 55%-ით განისაზღვრა, ხოლო დასაქმების დონე გაიზარდა 1.1 პროცენტული პუნქტით და 47.1% შეადგინა.

დასაქმების დონე ქალაქის ტიპის დასახლებებში გაზრდილია 1 პროცენტული პუნქტით, ხოლო სოფლის ტიპის დასახლებებში – 1.4 პროცენტული პუნქტით და შესაბამისად 48.5% და 45.2% შეადგენს.

საქსტატის თანახმად, უმუშევრობის დონე ტრადიციულად მაღალია კაცებში, ქალებთან შედარებით. 2024 წლის მე-4 კვარტალში, წინა წლის შესაბამის პერიოდთან შედარებით, აღნიშნული მაჩვენებელი 2.4 პროცენტული პუნქტით არის შემცირებული ქალებში, ხოლო კაცებში - 0.1 პროცენტული პუნქტით
და შესაბამისად 11.1% და 16.7%-ს შეადგენს.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი