მსოფლიო ბანი პაატა ბუჭულაძე საკუთარ იუბილეს რუსთაველის გამზირზე, ევროპული მომავლის მცველებთან ერთად აღნიშნავს.

ბურჭულაძის თქმით, იმ შემთხვევაშიც კი, თუ ოპერისა და ბალეტის თეატრი მას დარბაზს დაუთმობდა, საზეიმო ღონისძიება ვერ გაიმართებოდა. მისი თქმით, იმ ფონზე, როცა ქვეყანაში უამრავი ადამიანი შიმშილობს და კიდევ უამრავი დასახიჩრებულია, არავის ეზეიმება.

მსოფლიო ბანი ამბობს, რომ დაბადების დღის საკუთარ მოქალაქეებთან ერთად აღნიშვნა მისთვის დიდი პატივია. 

მე მადლობელი ვარ ყველასი, ვინც თანახმაა იმაზე და ვინც შეთანხმდა იმაზე, რომ ერთად აღვნიშნოთ ეს რუსთაველზე, იმიტომ, რომ რამეც რომ ყოფილიყო და ჩვენთვის ოპერის თეატრი მოეცათ, ნამდვილად ვერ ჩავატარებდით ჩვენ საზეიმო საღამოს, ეს გამორიცხულია, იმიტომ, რომ ისეთ სიტუაციებში, როდესაც შიმშილობს ხალხი, როდესაც დასახიჩრებულია ბევრი მომიტინგე და ასეთი დემონსტრაციებია, არავითარი ზეიმის ხასიათზე არავინ არ არის. მაგრამ ის, რომ მე ზეგ აღვნიშნავ ჩემს იუბილეს ჩემს ხალხთან ერთად რუსთაველზე, ეს ჩემთვის უდიდესი პატივია, - ამბობს პაატა ბურჭულაძე. 

აღსანიშნავია, რომ დღეს პაატა ბურჭულაძისადმი მიძღვნილი მხარდამჭერი მსვლელობა გაიმართება. 

თბილისის ოპერისა და ბალეტის თეატრმა პაატა ბურჭულაძეს 70 წლის იუბილეს აღსანიშნავად დარბაზი არ დაუთმო. 

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება