თბილისის მერის დავით ნარმანიას ინფორმაციით, მერიის ზედამხედველობის სამსახურის აპარატის ყოფილი უფროსის ჯოკია ბოდოკიას დედა ვაკის გამგეობაში უკვე აღარ მუშაობს.
როგორც ნარმანიამ გუშინ "იმედის კვირაში" ჩართვისას განაცხადა, მან კონკურსისთვის დადგენილი ზღვარი ვერ გადალახა.
"ბოდოკიას დედა ვაკის გამგეობაში დროებით მოვალეობის შემსრულებლად მუშაობდა. მან  ვერ გადალახა კონკურსისთვის დადგენილი ზღვარი.ამიტომ, როცა შეჯამდა კონკურის შედეგები და ახალი დანიშვნები მოხდა, რამდენადაც ვიცი, ის უკვე ვაკის გამგეობაში არ მუშაობს. ბოლო დღეების განმავლობაში მიმდინარეობს ახალი დანიშვნები. კონკურის შედეგები შეჯამდა მიმდინარე კვირის ბოლოს",-განაცხადა დავით ნარმანიამ.
შეგახსენებთ, გამოძიების ინფორმაციით,  თბილისის მუნიციპალიტეტის მერიის ზედამხედველობის სამსახურის აპარატის უფროსმა ჯოკია ბოდოკიამ ერთ-ერთი კერძო კომპანიის წარმომადგენელს სასტუმროს მშენებლობის ნებართვის გაცემაში დახმარებისა და მშენებლობის პროცესში მფარველობის გაწევის სანაცვლოდ ქრთამის სახით მოსთხოვა სასტუმროს მშენებლობის ღირებულების 10 % – 180 000 აშშ დოლარი, საიდანაც წინასწარ ქრთამის სახით აიღო მოთხოვნილი თანხის ნაწილი – 50 000 აშშ დოლარი. გამოძიება განსაკუთრებით დიდი ოდენობით ქრთამის აღების ფაქტზე მიმდინარეობს (საქართველოს სისხლის სამართლის კოდექსის 338-ე მუხლის მე-3 ნაწილის „ე“ ქვეპუნქტით, რაც სასჯელის სახით 11-დან 15 წლამდე თავისუფლების აღკვეთას ითვალისწინებს).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა