2024-09-17 10:06:17, 590 ნახვა

---

უკრაინის საჰაერო ძალები - რუსი ოკუპანტების მიერ გაშვებული 51 „შაჰიდიდან“ 34 ჩამოვაგდეთ

გასულ ღამეს, უკრაინელმა სამხედროებმა რუსეთის მიერ გაშვებული 51 "შაჰიდის" ტიპის დრონიდან 34 ჩამოაგდეს. ამის შესახებ ინფორმაციას უკრაინის საჰაერო ძალები Telegram-ზე ავრცელებს.

მათი ცნობით, 12 დრონი უკრაინის ტერიტორიაზე დაიკარგა, 2 დრონმა კი უკრაინის კონტროლირებადი საჰაერო სივრცე დატოვა და რუსეთში დაბრუნდა. 

"თავდაცვის სისტემა მუშაობდა მიკოლაევის, ხერსონის, სუმის, პოლტავისა და ხარკოვის ოლქებში", - ნათქვამია საჰაერო ძალების ინფორმაციაში.

მათივე ცნობით, თავდასხმის მოგერიებაში ჩართული იყო ავიაცია, საზენიტო-სარაკეტო ნაწილები, მობილური სახანძრო ჯგუფები და ელექტრონული ომის დანაყოფები.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი