ქედის მუნიციპალიტეტის მერი როლანდ ბერიძე, პირველ მოადგილე იმედა ვასაძესთან და დანდალოს ადმინისტრაციული ერთეულის წარმომადგენელთან ანზორ გოგიაშვილთან ერთად ინფრასტრუქტურულ სამუშაოებს გაეცნო. ამის შესახებ ინფორმაციას ქედის მუნიციპალიტეტის მერია ავრცელებს.

მათივე ცნობით, შიდა სასოფლო-საუბნო გზების რეაბილიტაციის პროგრამის ფარგლებში, დანდალოს ადმინისტრაციულ ერთეულში დასრულებული და მიმდინარე საყრდენი კედლების სამუშაოები დაათვალიერა.

"სოფელ გოგიაშვილებში, უშანგი კონცელიძის და გრიშა გოგიაშვილის საცხოვრებელ სახლთან მოეწყო საყრდენი კედელი;

სოფელ ხარაულაში, ავთო ჭანუყვაძის სახლის მიმართულებით საავტომობილო გზაზე, სასაფლაოებთან მოეწყო საყრდენი კედელი;

ასევე, სოფელ ჯალაბაშვილებში, საავტომობილო გზაზე სასაფლაოებთან მოეწყო საყრდენი კედელი.

შიდა სასოფლო-საუბნო გზების პროგრამის ფარგლებში საყრდენი და ფერდსამაგრი კედლების, სანიაღვრე არხების, ბეტონის გზის და რკინა-ბეტონის კიუვეტის არხის ცხაურით მოწყობის სამუშაოები ეტაპობრივად ხორციელდება, რომლისთვისაც ბიუჯეტიდან 1 378 000 ლარია გამოყოფილი და პროგრამის  ფარგლებშიც სულ 25 პროექტი განხორციელდება", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა