2015-02-05 19:41:08, 509 ნახვა
საზოგადოება
მერია გზების ორმოული შეკეთებისა და მოხრეშვისათვის 1 297 070 ლარს დახარჯავს
თბილისის მერია დედაქალაქის მასშტაბით ორმოული შეკეთებისა და სანაპიროს მხარეს მდებარე გზების ქვიშა-ხრეშოვანი მასალით მოწყობის სამუშაოებზე ტენდერებს აცხადებს. სატენდერო პირობების თანახმად, 1 297 070 ღირებულების სამუშაოები 2015 წლის ნოემბრის ბოლოს დასრულდება.
თბილისის მერიის ინფორმაცით, წელს მთაწმინდის, კწანისის, ისნის სამგორის, გლდანის, ნაძალადევის, დიდუბის, ჩუღურეთის, ვაკისა და საბურთალოს რაიონების გზებისა და ქუჩების ორმოული შეკეთებისთვის 997 070 ლარი დაიხარჯება.
მარჯვენა და მარცხენა სანაპიროების მხარეს მდებარე გზებზე 300 000 ლარის ღირებულების ქვიშა-ხრეშოვანი მასალით მოწყობის სამუშაოები შესრულდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
