თბილისის მერმა დავით ნარმანიამ დღევანდელ მთავრობის სხდომაზე ისრაელში ვიზიტი შეაჯამა.

დავით ნარმანიას განცხადებით, ბოლო 5 წლის განმავლობაში ეს იყო პირველი ოფიციალური ვიზიტი, სადაც შეხვედრები მაღალ დონეზე გაიმართა. დედაქალაქის მერი იერუსალიმის მერს და ბიზნეს წრეების წარმომადგენლებს შეხვდა. 

ვიზიტის ფარგლებში გამართულ ბიზნეს-ფორუმზე საუბარი შეეხო თბილისში დაგეგმილ საინვესტიციო პროექტებს. კერძოდ, ისრაელის მხარე თბილისში, სასტუმროს ბიზნესში 100 მილიონი დოლარის ინვესტიციის განხორციელებას გეგმავს.

„ორ დღიანი ვიზიტით ვიმყოფებოდით ისრაელში. ძალიან საინტერესო შეხვედრები შედგა. მინდა ხაზი გავუსვა, რომ ეს იყო ბოლო 5 წლის განმავლობაში პირველი ვიზიტი, სადაც ოფიციალურ დონეზე გაიმართა შეხვედრები. შევხვდით იერუსალიმის მერს. ასევე ჩატარდა ბიზნეს ფორუმი, სადაც კონკრეტულ პროექტებზე იყო საუბარი. კერძოდ, მშენებლობის დასაწყებად მზადაა ექვსი პროექტი, მათ შორის სამი უახლოეს თვეებში უნდა დაიწყოს. 100 მილიონ დოლარამდეა ჯამური ღირებულება იმ საინვესტიციო პროექტებისა, რომელიც ებრაელი ინვესტორების მხრიდან უნდა განხორციელდეს ჩვენს დედაქალაქში“, - განაცხადა დავით ნარმანიამ. 

თბილისის მერის თქმით, ებრაული მხარის მხრიდან გამოითქვა ინტერესი მაღალი ტექნოლოგიების განვითარების მიმართულებით თანამშრომლობასთან დაკავშირებით. ამასთან, დავით ნარმანიას განცხადებით, ისრაელიდან საპასუხო ვიზიტი 8-9 სექტემბერს იგეგმება.

„ისრაელის დელეგაცია 8-9 სექტემბერს გეგმავს თბილისში ვიზიტს. ისინი თბილისში ადგილობრივ პარტნიორებს შეხვდებიან, ისრაელიდან ასევე ჩამოვა მედიაჯგუფი, რომელიც თბილისის ტურისტულ პოტენციალს და მიმდინარე პროექტებს და პროგრამებს გაეცნობა“, - განაცხადა დავით ნარმანიამ.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი