რუსთავის №17 დაწესებულებაში რვა პატიმარი შიმშილობს. ისინი სისხლის სამართლის კოდექსის 260-ე მუხლის გადახედვას ითხოვენ, რომელიც ნარკოტიკის შეძენა-შენახვასა და მოხმარებას გულისხმობს. მსჯავრდებულები მიიჩნევენ, რომ ნარკოტიკული საშუალებების მოხმარებაზე დოზირება  უნდა მოხდეს. მათივე შეფასებით, კანონის ლიბერალიზაცია, რომელსაც ამჟამინდელი ხელისუფლება დაპირდათ, არ მომხდარა.

ანალოგიურს აცხადებს არასამთავრობო ორგანიზაცია "ყოფილი პოლიტპატიმრები ადამიანის უფლებებისათვის" თავმჯდომარე ნანა კაკაბაძე. მისი შეფასებით, 260-ე მუხლის ლიბერალიზაცია არ მომხდარა და პატიმრები ფიქრობენ, რომ ხელისუფლებამ მოატყუათ.

 "ხელისუფლება ამბობდა, რომ ნარკოტიკების მოხმარება არ არის დანაშაული, ეს არის ავადმყოფობა და უნდა მოხდეს 260-ე მუხლის ლიბერალიზაცია. პატიმრები ამბობენ, რომ ეს არის ფარსი და ხელისუფლებამ ისინი მოატყუა.  დამიკავშირდნენ პატიმრები, რომლებიც   260-ე მუხლით ნარკოტიკის მოხმარებისთვის იხდიან სასჯელს და გამომიგზავნეს სასამართლოს გადაწყვეტილება. სასამართლომ მსჯავრდებულებს დაუტოვა იგივე სასჯელი, რაც წინა ხელისუფლების დროს ჰქონდათ მისჯილი",-ამბობს ნანა კაკაბაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება