საქართველოში ახალი კორონავირუსისგან, ჯამში, 8 ადამიანი გამოჯანმრთელდა

ინფექციური საავადმყოფოს ბოქსირებული განყოფილების უფროსის, მარინა ენდელაძის ინფორმაციით, სამედიცინო დაწესებულებას რამდენიმე პაციენტი დღეს უკვე დატოვებს.

„დღეს საღამოს მივიღეთ პასუხები, ვირუსი აღარ განისაზღვრა, უარყოფითია. ტესტები უკვე ჩატარებულია. განმეორებითი ტესტები აღარ არის საჭირო, საჭიროა ლაბორატორიული კვლევა. სხვა ანალიზებს გადავამოწმებთ, რადიოლოგიურ კვლევას ჩავატარებთ განმეორებით, ვინაიდან მათ შორის ერთ-ერთი ძალიან მძიმე იყო, ფილტვების ანთება ჰქონდა და კომპიუტერული ტომოგრაფიის ჩატარებაა საჭირო, რათა გადავამოწმოთ საბოლოოდ და გავწეროთ. ეს ხუთივე პაციენტი, სავარაუდოდ, ხვალ გაეწერება კლინიკიდან. ნაწილი ბინაზე გაეწერება დილით და ნაწილი საღამოსთვის“, – განაცხადა მარინა ენდელაძემ.

​საქართველოში სულ კორონავირუსით ინფიცირების 54 შემთხვევაა დაფიქსირებული. გამოჯანმრთელებულთა ოფიციალური რაოდენობა ამ დრომდე სამი იყო

ავტორი: ექსპრესნიუსი,

სოციალური ქსელები

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება