საველე-საწვრთნელ ბანაკში „პალდო“ საერთაშორისო კონკურსის „ალიანტეს“ ეროვნული ფინალი გაიმართა.

თავდაცვის სამინისტროს ინფორმაციით, ეროვნული გვარდიის მე-20 კადრირებული ბრიგადის სერჟანტებმა კონკურსში მონაწილე 25 გუნდიდან ფიზიკური გამძლეობის მიხედვით 6 საუკეთესო გამოავლინეს.

სამხედრო მოსამსახურეებმა ყველა კონკურსანტს სერტიფიკატები გადასცეს და წარმატება უსურვეს.

„ალიანტეს“ წლევანდელი ეროვნული ფინალი აშშ-ში ტრაგიკულად დაღუპული კურსანტის ბესარიონ გორჯოლაძის ხსოვნას მიეძღვნა, რომელიც რამდენიმე წლის წინ კონკურსის გამარჯვებული იყო.

გამარჯვებული გუნდები ლიტვაში გაემგზავრებიან და ლიტვის თავდაცვის სამინისტროს მიერ ორგანიზებულ საერთაშორისო ფინალში იასპარეზებენ.

ლიტვაში გამოვლენილი საუკეთესო 5 გუნდი, პირველად კონკურსის ისტორიაში, საქართველოში იმოგზაურებს.

ახალგაზრდები საქართველოს შეიარაღებული ძალების სამხედრო ბაზებს ესტუმრებიან და ქართველ სამხედრო მოსამსახურეებთან გამართავენ შეხვედრებს.

პროექტი „საქართველოს ახალგაზრდულ ორგანიზაციათა ნაციონალური საბჭოს“ ორგანიზებითა და საქართველოს თავდაცვის სამინისტროს მხარდაჭერით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა