კომპანია Samsung-მა სმარტფონების უახლესი მოდელის Galaxy Note 7-ის გაყიდვა შეაჩერა, - ამის შესახებ BBC იუწყება.

მედია საშუალების ცნობით, სამხრეთკორეულმა კომპანიამ აღნიშნული გადაწყვეტილება მას შემდეგ მიიღო, რაც გავრცელდა ცნობები, რომ აალების რამდენიმე შემთხვევა მობილური ტელეფონების შეკეთების შემდეგაც დაფიქსირდა.

Samsung-ი მოუწოდებს მომხრებლებს, რომლებმაც უკვე შეიძინეს სმარტფონის ახალი მოდელი, გამორთონ და არ გამოიყენონ ის, ვიდრე სპეციალისტები ხარვეზის მიზეზს არ დაადგენენ.

"ვინაიდან ჩვენს მთავარ პრიორიტეტს მომხმარებლების უსაფრთხოება წარმოადგენს, Samsung-ი მოუწოდებს მსოფლიოში ყველა პარტნიორს, შეაჩერონ Galaxy Note 7-ის გაყიდვა და გაცვლა გამოძიების დასრულებამდე", - ნათქვამია კომპანიის განცხადებაში.

ამჟამად ცნობილია Galaxy Note-7-ის ახალი მოდელების აალების სულ მცირე ორი შემთხვევა. Samsung-ი იძულებული გახდა, სმარტფონის ახალი მოდელი გამოეშვა მას შემდეგ, რაც სექტემბერში რამდენიმე მოწყობილობა აალდა და აფეთქდა.

აღსანიშნავია, რომ ამერიკულმა კომპანია T-Mobile-მა Galaxy Note 7-ის გაყიდვა მთლიანად შეაჩერა, ასევე უარი თქვა, ძველი მოდელების ახლებზე გაცვლაზე. ანალოგიური გადაწყვეტილება სავაჭრო ქსელმა AT&T-მაც მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.