საქართველოს თავდაცვის მინისტრის პირველი მოადგილე ფინეთის თავდაცვის ძალების მეთაურს, გენერალ-ლეიტენანტ იარმო ლინდბერგს შეხვდა. თავდაცვის სამინისტროში გამართულ შეხვედრას გენერალური შტაბის უფროსი, გენერალ-მაიორი ვახტანგ კაპანაძე, ფინეთის რესპუბლიკაში საქართველოს თავდაცვის ატაშე, ასევე, საქართველოში ფინეთის რესპუბლიკის თავდაცვის ატაშე და დელეგაციის წევრები დაესწრნენ.

შეხვედრაზე საუბარი ორ ქვეყანას შორის სამხედრო სფეროში სამომავლო თანამშრომლობას შეეხო. მხარეებმა თანამშრომლობის გაღრმავების სურვილი გამოთქვეს და ყურადღება სადაზვერვო ინფორმაციების გაცვლის, კიბერუსაფრთხოების სფეროსა და რეზერვისა და მობილიზაციის საკითხებზე გაამახვილეს.

ლელა ჩიქოვანმა გენერალ-ლეიტენანტ იარმო ლინდბერგს თავდაცვის სამინისტროში დაგეგმილი რეფორმები გააცნო, ფინური მოდელით დაინტერესდა და გამოცდილების გაზიარების მნიშვნელობაზე ისაუბრა. შეხვედრაზე რეგიონში არსებულ უსაფრთხოების გარემოზეც იმსჯელეს.

ფინეთის თავდაცვის ძალების მეთაური საქართველოში პირველი ოფიციალური ვიზიტით იმყოფება. მას საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე მასპინძლობს.

ოფიციალური დახვედრის ცერემონიალი გენერალური შტაბის სამწყობრო მოედანზე გაიმართა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო