პარლამენტის ვიცე-სპიკერი მურმან დუმბაძე აჭარის ავტონომიური რესპუბლიკის უმაღლესი საბჭოს  თავმჯდომარის პასუხისმგებლობის საკითხის დაყენებას აპირებს.
როგორც დუმბაძემ ჟურნალისტებს განუცხადა, დარწმუნებულია "ქართული ოცნება" აჭარის უმაღლეს საბჭოში უმრავლესობას დაკარგავს. მისივე თქმით, დემოკრატიულ ქვეყანაში ამგვარ ვითარებაში, აჭარის უმაღლესი საბჭოს  თავმჯდომარე უნდა გადადგეს.
"ვფიქრობ, რომ აჭარის უმაღლესი საბჭოს თავმჯდომარის პასუხისმგებლობის საკითხი უნდა დაისვას იმიტომ, რომ როცა უმრავლესობას კარგავენ, ნებისმიერ ქვეყანაში, სადაც პროცესები დემოკრატიულად  უნდა ვითარდებოდეს, მისი ლიდერი გადადგება თანამდებობიდან. როგორც კი ეს პროცესი დასრულდება, მე გავაკეთებ განცხადებას და მივმართავ ჩემს მეგობარ ვახტანგ ბერიძეს,  რომ მან დაკავებული თანამდებობა დატოვოს",-განაცხადა მურმან დუმბაძემ.
ცნობისთვის, "ნაციონალური მოძრაობა" აჭარის უმაღლესი საბჭოს თავმჯდომარის მოადგილის - დავით ბაციკაძის და საფინანსო-საბიუჯეტო კომისიის თავმჯდომარის - ალექსანდრე ჩიტიშვილის გადაყენებას ითხოვს. აღნიშნულ  საკითხზე  უმაღლესი საბჭოს დღევანდელ რიგგარეშე სხდომაზე იმსჯელებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო