2026-01-25 13:16:07, 921 ნახვა

---

ტრამპმა დაიცვა ICE-ის ოფიცრები, რომლებმაც მამაკაცი დახვრიტეს და ამაში მინესოტას ხელისუფლება დაადანაშაულა

აშშ-ის პრეზიდენტმა ტრამპმა განაცხადა, რომ მინესოტას ხელისუფლება, კერძოდ, მერი, გუბერნატორი და დემოკრატი კონგრესმენი ილჰან ომარი, დამნაშავეა შტატში არსებულ ვითარებაში და მაცხოვრებლების აჯანყებისკენ წაქეზებაში.

მინეაპოლისში დღეს მამაკაცის სროლასთან დაკავშირებით, ტრამპმა განაცხადა, რომ „ICE-ის ოფიცრები იძულებულნი იყვნენ თავი დაეცვათ შეიარაღებული მსროლელისგან, მაშინ როცა ადგილობრივმა პოლიციამ არაფერი გააკეთა“.

„რატომ აქვს ილჰან ომარს ანგარიშზე 34 მილიონი დოლარი? და სად არის ათობით მილიარდი დოლარი, რომელიც ოდესღაც დიდებული მინესოტას შტატიდან მოიპარეს? ჩვენ ამ სიტუაციაში ვართ მასიური ფინანსური თაღლითობის გამო... შტატიდან 12 000 არალეგალი იმიგრანტი რომ არ ყოფილიყო დეპორტირებული, თქვენ გაცილებით უარესს ნახავდით, ვიდრე დღეს ხედავთ!“ - დაწერა აშშ-ის პრეზიდენტმა სოციალურ ქსელ TruthSocial-ზე.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი