აზერბაიჯანის საგარეო საქმეთა მინისტრმა ჯეიჰუნ ბაირამოვმა პარასკევს განაცხადა, რომ რუსეთის საგამოძიებო კომიტეტის მიერ AZAL-ის თვითმფრინავის ჩამოვარდნის სისხლის სამართლის საქმის შეწყვეტა „სერიოზულ კითხვებს“ ბადებს.

ამის შესახებ Report იტყობინება.

ბაირამოვის თქმით, რუსეთის საგამოძიებო კომიტეტმა AZAL-ის თვითმფრინავის ჩამოვარდნის გამოძიების შემდეგ აზერბაიჯანს წერილი გაუგზავნა.

„წერილში აღნიშნულია, რომ სისხლის სამართლის საქმე უკვე შეწყვეტილია. რა თქმა უნდა, ასეთი ნაბიჯი ჩვენთვის ძალიან სერიოზულ კითხვებს ბადებს“, - თქვა მინისტრმა და დასძინა, რომ წერილს ოფიციალური პასუხი აზერბაიჯანის შესაბამისი ორგანოებისგან მოჰყვა.

აზერბაიჯანის საგარეო საქმეთა მინისტრმა დასძინა, რომ ბაქო რუსეთისგან ინციდენტთან დაკავშირებით ნაკისრი ვალდებულებების შესრულებას ელის.

„გუშინ ტრაგედიის წლისთავი აღინიშნა და ვუსამძიმრებ დაღუპულთა ოჯახებს. თვითმფრინავის ჩამოვარდნა მოგვიანებით რუსულმა მხარემ აღიარა და კომპენსაცია გამოცხადდა. ეს მნიშვნელოვანი განცხადება იყო. ჩვენ ველით, რომ ეს პროცესი დასრულდება“, - თქვა ბაირამოვმა.

შეგახსენებთ, რომ 2024 წლის 25 დეკემბერს, ყაზახეთში, აქტაუსთან, ჩამოვარდა აზერბაიჯანის ავიახაზების (AZAL) ემბრაერის თვითმფრინავი, რომელიც ბაქოდან გროზნოში მიფრინავდა. ავარიის შედეგად ოცდათვრამეტი ადამიანი დაიღუპა.

„აზერბაიჯანის ავიახაზებმა“ განაცხადეს, რომ მათ თვითმფრინავს „გარე ფიზიკური და ტექნიკური ჩარევა“ დაექვემდებარა.

მხოლოდ ათი თვის შემდეგ, კრემლის ლიდერმა ვლადიმერ პუტინმა აღიარა, რომ AZAL-ის თვითმფრინავის ჩამოგდება რუსეთის საჰაერო თავდაცვის სისტემამ გამოიწვია და უკრაინა დაადანაშაულა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი