დავით ნარმანია იური ვაზაგაშვილის დაღუპვის გამო, მწუხარებას გამოთქვამს

2015-01-21 11:32:10, 675 ნახვა

საზოგადოება

თბილისის მერმა დავით ნარმანიამ იური ვაზაგაშვილის ტრაგიკულად დაღუპვის გამო, ღრმა მწუხარება გამოთქვა და დედაქალაქის მთავრობისა და მერიის სახელით, მის ოჯახს მიუსამძიმრა.

"თბილისის მთავრობის და მერიის სახელით, ღრმა მწუხარება მინდა გამოვთქვა გუშინ მომხდარ ფაქტთან დაკავშირებით, რაც იური ვაზაგაშვილს გადახდა თავს.ეს არის ძალიან შემზარავი ფაქტი. მინდა, სამძიმარი ვუთხრა მის ოჯახს, მის ახლობელს და ყველა იმ ადამიანს, ვისაც გული შესტკივა",-განაცხადა დავით ნარმანიამ.

შეგახსენებთ, გუშინ იური ვაზაგაშვილი მისი შვილის საფლავზე, არსებული ინფორმაციით, აფეთქდა. ის ადგილზე გარდაიცვალა. გარდაცვლილის ცხედარს უკვე რამდენიმე საათია ლევან სამხარაულის სახელობის ექსპერტიზის ეროვნულ ბიუროში ექსპერტიზა უტარდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან