საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე ფინანსთა მინისტრ ნოდარ ხადურს ეკონომიკური მაჩვენებლების შესახებ ინფორმაცია მოსთხოვა.

როგორც ნოდარ ხადურმა განაცხადა, იანვარ- მაისში ბიუჯეტის საგადასახადო შემოსავლებმა 3 მლრდ 150 მლნ ლარი შეადგინა, რაც წლიური გეგმის 40%ია  და გასული წლის ამავე პერიოდის მაჩვენებელთან შედარებით, 360 მლნ ლარით მეტია. რაც შეეხება ხარჯებს, მისივე თქმით, იანვარ-მაისში გაწეული ხარჯები ჯამში  3,6 მლრდ ლარს შადგენს,  რომელიც წლიური გეგმის 40%-ია. ასევე იანვარ -მაისში კაპიტალური პროექტების დაფინანსებაზე გაწეულმა ხარჯებმა, მინისტრის ინფორმაციით,  360 მლნ ლარი შეადგინა, რაც შარშანდელ პერიოდს 44%-ით აღემატება.

ამასთან, ირაკლი ღარიბაშვილმა ფინანსთა მინისტრს კვარტალური გეგმის პროგრამის წარმოდგენაც სთხოვა.

"რეგიონების განსახორციელებელი ფონდიდან თანხების საკასო შესრულებამ შეადგინა 19 მლნ ლარი, ფონდიდან უკვე 160 მლნ ლარია გამოყოფილი, აქედან 6 მლნ არის საპროექტო სამუშაოებისთივს გამოყოფილი. თუმცა აქ არის სერიოზული ჩამორჩენა.  ამიტომ ვთხოვ კოლეგებს დააჩქარონ ამ თანხების ათვისება. ეს არის ადილობრივი მუნიციპალიტეტები და გუნერნატორები",-განაცხადა ნოდარ ხადურმა.

პრემიერი სამინისტროების მიერ ბიუჯეტის ათვისებითაც დაინტერესდა. ნოდარ  ხადურის თქმით,  ფინანსთა სამინისტრომ ბიუჯეტი 85% ით აითვისა. 

ირაკლი ღარიბაშვილმა ნოდარ  ხადურს დაავალა,  10 ივნისამდე ბიუჯეტის კორექტირებული ვარიანტი  წარმოადგინოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი