თბილისის სპეცრაზმის ყოფილ მეთაურ კახა ნაკანთან დაკავშირებით გავრცელებული ინფორმაციის თაობაზე, სასჯელაღსრულებისა და პრობაციის სამინისტროში 20:00 საათზე ბრიფინგი გაიმართება. ამის შესახებ "ექსპრესნიუსს" უწყების პრესსამსახურში განუცხადეს.
ცნობისთვის, ადვოკატის ინფორმაციით, კახა ნაკანმა დღეს, გლდანის მე-8 სასჯელაღსრულების დაწესებულებაში ვენები გადაიჭრა.  მისივე განმარტებით, მსჯავრდებულის ჯანმრთელობის მდგომარეობა ამ დროისთვის დამაკმაყოფილებელია. ადვოკატის განცხადებით,  თვითმკვლელობის მცდელობის მიზეზი ისაა, რომ  ნაკანი ე.წ. მატროსოვის ციხეში არ გადაჰყავთ. „ამ თვეების განმავლობაში კახა ნაკანი  საკანში მარტო იმყოფება. დაკავების დღიდან ე.წ. მატროსოვის ციხეში გადაყვანას ითხოვს. წვერის საპარსის სამართებლით  მარცხენა ხელზე ვენა გადაიჭრა და, დაახლოებით, 13 ნაკერი ადევს“,-განუცხადა  კახა შონიამ  „რუსთავი 2“-ს.
შეგახსენებთ, კახა ნაკანს ე.წ. კორტებთან ჩატარებული სპეცოპერაციის საქმეზე სასამართლომ სხვა პირებთან ერთად,  აღკვეთის ღონისძიების სახით, პატიმრობა შეუფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ჩვენ მისგან შორს უნდა დავიჭიროთ თავი“ - ევროპულმა ულტრამემარჯვენეებმა ტრამპს ზურგი აქციეს

იმოგზაურე გიორგი მოსიძესთან ერთად აზროვნების სამყაროში - ფოთში, გიორგი მოსიძესთან შეხვედრა გაიმართება

კობახიძე - ამჟამინდელ ევროკავშირს სერიოზული გამოწვევები აქვს

კობახიძე - საქართველოს, ევროპის მასშტაბით, ეკონომიკური ზრდის ყველაზე მაღალი ტემპი აქვს