„ბატონო გიორგი, მომესმა თუ თქვენ თქვით, რომ "საქმეს კარგად არ ვიცნობ და "რუსთავი 2"-ის საქმეში არ ჩამიხედია", კითხვა მაქვს, რატომ არ იცნობთ?!“, - ასე მიმართა "ნაციონალური მოძრაობის" დეპუტატმა გიგა ბოკერიამ, პრემიერ-მინისტრის მოვალეობის შემსრულებელს გიორგი კვირიკაშვილს "რუსთავი 2"-თან მიმართებაში გაკეთებულ განცხადებასთან დაკავშირებით.

როგორც ბოკერიამ აღნიშნა, მთელი მსოფლიო, საქართველოს მთავარი პარტნიორები გიორგი კვირიკაშვილს ამ საკითხზე საჯაროდ და კერძოდ ესაუბრებიან, თუმცა უცნაურია, რომ პრემიერ-მინისტრის მოვალეობის შემსრულებელი ამ საქმით არ ინტერესდება.

"თქვენ არც დაინტერესებულხართ საქმეში რა არის?! იქნებ გული გაგისკდეთ, რომ ჩაიხედოთ?! თქვენ იცით სავაჭრო პალატის განცხადება, იდენტურ პრობლემაზე? დავებზე, ე.წ ამორალურ გარიგებებზე, თუ უზნეო გარიგებებზე, არ ვიცი რა დავარქვა ამ აბსურდს, რაც ურთმელიძემ დაამკვირდა. არ დაინტერესდით და არ ჩაგიხედიათ, არ გაინტერესებთ იქნებ საშინელება ხდება, იქნებ მოსამართლეებს დედებს უჭერენ, რომ რაც უნდათ ის გააკეთონ. მარტო ამ შემთხვევაში კი არა, მთელ რიგ შემთხვევებში. საკონსტიტუციო სასამართლოს წევრები გამოდიან და ამბობენ, რომ პირადი ცხოვრების ჩანაწერებს უგზავნიან მათ დაშინების მიზნით. ასეთი პოლიტიკურად საოცარი განცხადება თქვენგან, რომ არ დაინტერესებულხართ ამ საქმით; ჩვენ პოლიტიკურად უტიფრად გვეუბნებით, რომ აქ ყველაფერი წესრიგშია", - მიმართა ბოკერიამ კვირიკაშვილს.

ინტერაქტივის დროს "ნაციონალური მოძრაობის" დეპუტატსა და პრემიერ-მინისტრის მოვალეობის შემსრულებელს შორის სიტყვიერი შელაპარაკება მოხდა.

გიორგი კვირიკაშვილმა დეპუტატ გიგა ბოკერიას კორექტულობისკენ მოუწოდა, რაზეც ბოკერიამ უპასუხა:

"მე პიროვნულ თვისებებს კი არ ვეხები, ეს არის პოლიტიკურად უტიფარი განცხადება. როდესაც პრემიერ მინისტრობის კანდიდატი გვეუბნება უმნიშვნელოვანეს საქმეზე, რომ აქ ყველაფერი წესრიგშია. ჩემი ხელისუფლება, ჩემი საყვარელი ოლიგარქი, აქ შუაში არ არის და საქმეში არც ჩაუხედია".

 გიორგი კვირიკაშვილმა "ნაციონალური მოძრაობის" დეპუტატს კიდევ ერთხელ კორექტულობისკენ მოუწოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო