საქართველოს შეიარაღებული ძალების გენერალური შტაბის ფსიქოლოგიური  შერჩევისა და მონიტორინგის დეპარტამენტს  ამერიკელი ფსიქოლოგი ეწვია. მაიორი ჯოელ ფოსტერი ქართველი სამხედრო ფსიქოლოგებისთვის ორკვირიან სწავლებას ატარებს.

თავდაცვის სამინისტროს ინფორმაციით, სასწავლო კურსი საქართველოს შეიარაღებულ ძალებში ფსიქიკური ჯანმრთელობის გაუმჯობესებას ისახავს მიზნად. ამერიკელი ფსიქოლოგი ქართველ კოლეგებს თავის ტვინის მსუბუქი ტრავმული დაზიანების, პოსტტრავმული სტრესის, საბრძოლო და ოპერაციული სტრესის, პირველადი ფსიქოლოგიური დახმარების, ფსიქოლოგიური შერჩევისა და უახლესი ფსიქოთერაპიული მეთოდის, გახანგრძლივებული ექსპოზიციით თერაპიის შესახებ  ესაუბრა.

ტრენინგი მრავალეროვნული თანამშრომლობის ფარგლებში იმართება. მაიორი ჯოელ ფოსტერი საქართველოში აშშ-ის შეიარაღებული ძალების ევროპული სარდლობისა და საქართველოში აშშ-ის საელჩოს მოწვევით ჩამოვიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს