აშშ-ის პრეზიდენტმა დონალდ ტრამპმა განაცხადა, რომ ვენესუელაზე მეორე სამხედრო დარტყმა შესაძლებელია, თუ ნიკოლას მადუროს დაკავების შემდეგ ხელისუფლების დარჩენილი წევრები ვაშინგტონთან თანამშრომლობაზე უარს იტყვიან. ამის შესახებ ტრამპმა ჟურნალისტებს Air Force One-ის ბორტზე განუცხადა, იუწყება Reuters-ი.

ტრამპის თქმით, აშშ მზად არის დამატებითი ნაბიჯებისთვის, რათა ქვეყანა „გამოსწორდეს“. ამავე კონტექსტში მან არ გამორიცხა ლათინურ ამერიკაში სხვა სამხედრო ოპერაციებიც და აღნიშნა, რომ კოლუმბიასა და მექსიკასაც შეიძლება შეეხოს აშშ-ის სამხედრო მოქმედება, თუ ისინი ნარკოტიკების უკანონო ნაკადს არ შეამცირებენ.

„ოპერაცია „კოლუმბია“ ჩემთვის კარგად ჟღერს“, - განაცხადა ტრამპმა. მისივე თქმით, ვენესუელის მოკავშირე კუბა „ისე ჩანს, რომ თავადვე დანგრევის ზღვარზეა“ და აშშ-ის სამხედრო ჩარევა იქ საჭირო არ გახდება.

ნიკოლას მადურო ამჟამად ნიუ-იორკის დაკავების იზოლატორში იმყოფება და ორშაბათს ნარკოტიკებთან დაკავშირებულ ბრალდებებზე სასამართლოს წინაშე წარდგება.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება