რუსმა სამხედროებმა ოდესის საზღვაო პორტზე „ისკანდერის“ ტიპის ბალისტიკური რაკეტა იერიში მიიტანეს. ამის შესახებ ოდესის ოლქის სამხედრო ადმინისტრაცია იტყობინება.

უკრაინის ვიცე-პრემიერ-მინისტრის, ალექსეი კულებას თქმით, რაკეტა სან-ტომესა და პრინსიპის დროშის ქვეშ მცურავი უცხოური გემიდან ლითონის გადმოტვირთვის დროს ერთ-ერთ ნავმისადგომს მოხვდა.

თავდასხმის შედეგად ორი ადამიანი დაიღუპა: დოკერის ოპერატორი და სატვირთო მანქანის მძღოლი. დაშავდა ექვსი ადამიანი, მათ შორის პორტის თანამშრომლები და ეკიპაჟის ორი წევრი, ორივე სირიის მოქალაქე.

დაზიანდა პორტის ინფრასტრუქტურის ობიექტები, როგორიცაა ამწეები, აღჭურვილობა და საწყობები.

„ეს დაბომბვა კიდევ ერთი დასტურია იმისა, რომ რუსეთი განზრახ ცდილობს ჩვენი სატრანსპორტო კვანძების, ექსპორტის შესაძლებლობებისა და მშვიდობიანი მოსახლეობის სიცოცხლის განადგურებას“, - განაცხადა კულებამ.

ავტორი: ექსპრესნიუსი,

სოციალური ქსელები

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება

SOLO-ს მხარდაჭერით, თბილისი თანამედროვე ხელოვნების პირველ საერთაშორისო აუქციონს უმასპინძლებს

ადამიანის უფლებათა კომისარს მოუწოდეს გამოიძიოს ივანიშვილის რეჟიმის პრაქტიკა, გააშიშვლონ პატიმარი ქალები

მსჯავრში მყოფი, აქციაში მონაწილე რუსეთის მოქალაქეები კარტის თამაშის გამო 5000-5000 ლარით დააჯარიმეს