ამ აქციაზე მოსვლის მიზანი არის სოლიდარობა საზოგადოების მიმართ, - ამის შესახებ „ნაციონალური მოძრაობის“ წევრმა გიგი წერეთელმა კამპანიის „ეს შენ გეხება“ საპროტესტო აქციაზე ჟურნალისტებს განუცხადა.

როგორც წერეთელმა აღნიშნა, ქვეყანაში უკანონო მოსმენა და თვალთვალი უნდა დასრულდეს. მისივე თქმით, ხელისუფლებამ ამ მიმართულებით გადამჭრელი ზომები უნდა მიიღოს

„თუ ის არის ხელისუფლება, მას აქვს შესაბამისი ბერკეტები. მის ხელშია რეგულაციები და დამნაშავეების დასჯაც. ამიტომ, დღეს მთავარი მიზანია, რაც უფრო მკაფიო და ხმამაღალი იქნება აქციის გზავნილი, ხელისუფლებაც უფრო მალე მიიღებს ასეთ გადაწყვეტილებებს“, - განაცხადა გიგი წერეთელმა.

ცნობისთვის მთავრობის ადმინისტრაციის შენობასთან კამპანიის „ეს შენ გეხება“ საპროტესტო აქცია მიმდინარეობს.სამოქალაქო სექტორის მთავარი მოთხოვნაა, პირადი ცხოვრების ამსახველი ვიდეოკადრების გავრცელების საქმის გამოძიება, საერთაშორისო ექსპერტების ჩართვა, კანონმდებლობის გამკაცრება და სამართალდამცველთა შესაძლო დანაშაულის შესასწავლად დამოუკიდებელი მექანიზმის შექმნა.

აქციაზე 300 ზე მეტი ადამიანია შეკრებილი. ადგილზე პოლიციაა მობილიზებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს