აუცილებელია, მსგავსი კიბერდანაშაულის აღკვეთისთვის სახელმწიფო სტრატეგია შემუშავდეს, - ამის შესახებ „ქალთა მოძრაობის“ ხელმძღვანელმა ბაია პატარაიამ კამპანიის „ეს შენ გეხება“ საპროტესტო აქციაზე, ფარული ვიდეოკადრების გავრცელებასთან დაკავშირებით განაცხადა.

როგორც პატარაიამ აღნიშნა, პირადი ცხოვრების ხელშეუხებლობა საქართველოში სერიოზულად ირღვევა.

„ჩვენ გვინდა, რომ აქამდე მსგავსი ტიპის დანაშაულები, რომლებიც არ გამოიძიეს, ახლა გამოიძიონ. ჩვენ გვინდა, რომ გამოძიება იყოს დამოუკიდებელი და ასევე მიგვაჩნია, რომ საჭიროა უცხოელი სპეციალისტების ჩართვა ამ პროცესში. ჩვენ ვხედავთ, რომ სახელმწიფოს ჩვენი დაცვის ბერკეტი არ გააჩნია. აუცილებელია სახელმწიფო სტრატეგია შემუშავდეს მსგავსი კიბერდანაშაულის აღკვეთისთვის. ჩვენ ვითხოვთ ეფექტური გამოძიების წარმოებას“, - განაცხადა ბაია პატარაიამ.

ცნობისთვის კამპანიის „ეს შენ გეხება“ საპროტესტო აქციის მონაწილეები მსვლელობით მთავრობის ადმინისტრაციის შენობასთან მიემართებიან. სამოქალაქო სექტორის მთავარი მოთხოვნაა, პირადი ცხოვრების ამსახველი ვიდეოკადრების გავრცელების საქმის გამოძიება, საერთაშორისო ექსპერტების ჩართვა, კანონმდებლობის გამკაცრება და სამართალდამცველთა შესაძლო დანაშაულის შესასწავლად დამოუკიდებელი მექანიზმის შექმნა.

აქციაზე 300 ზე მეტი ადამიანია შეკრებილი. მობილიზებულია პოლიცია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს