ვლადიმერ პუტინი:უკრაინაში ცეცხლი 15 თებერვალს 00:00 საათზე შეწყდება

2015-02-12 13:55:02, 805 ნახვა

მსოფლიო

ვლადიმერ პუტინი:უკრაინაში ცეცხლი 15 თებერვალს 00:00 საათზე შეწყდება - ვიდეო

მინსკში 16 საათიანი მოლაპარაკებების შედეგად ხელი მოეწერა "ნორმანდიული ოთხეულის" შეთანხმების დოკუმენტს.
აღნიშნული დოკუმენტი უკრაინაში ცეცხლის შეწყვეტას და რუსეთის მძიმე ტექნიკის გაყვანას ითვალისწინებს.
რუსეთის პრეზიდენტი ვლადიმერ პუტინის განცხადებით, რუსეთი ცეცხლს 15 თებერვალს 00:00 საათზე შეწყვეტს.
მისვე ინფორმაციით, ის უკრაინის პრეზიდენტთან დებალცევოში არსებული სიტუაციის სამხედრო ექსპერტების შეფასების თაობაზე შეთანხმდა.
შეგახსენებთ, რომ მინსკში „ნორმანდიული ოთხეულის“ შეხვედრა 14 საათის შემდეგ, პეტრო პოროშენკოს გარეშე გრძელდება.
მანამდე კი, დახურულ კარს მიღმა მოლაპარაკება დაახლოებით 14 საათი გრძელდებოდა და მასში გერმანიის კანცლერი ანგელა მერკელი, საფრანგეთის პრეზიდენტი ფრანსუა ოლანდი, უკრაინის პრეზიდენტი პეტრო პოროშენკო და რუსეთის პრეზიდენტი ვლადიმერ პუტინი მონაწილეობდნენ.