ხატიაშვილი: იური ვაზაგაშვილის მკვლელობა მისი შვილის მკვლელობაში მონაწილე ადამიანების ორგანიზებული იქნება

2015-01-21 14:36:28, 1760 ნახვა

კომენტარი

ადვოკატთა ასოციაციის თავმჯომარე ზაზა ხატიაშვილი მიიჩნევს, რომ იური ვაზაგაშვილის მკვლელობა იმ ადამიანების მიერ იქნება ორგანიზებული, რომლებიც ხელისუფლებაში არიან მოკალათებულები და რომლებსაც მისი შვილის მკვლელობაში მიუძღვით წვლილი.

რაც შეეხება შემსრულებლებს, ხატიაშვილის თქმით, ეს გამოძიებამ უნდა დაადგინოს.

"ვფიქრობ, რომ იმ ბინძური ადამიანების ორგანიზებული იქნება, ვინც ხელები აფათურეს მისი შვილის მკვლელობაში და მან ახალი მტკიცებულებები მოიძია. მათ მიერ იქნება ორგანიზებული, რომლებიც მოკალათებული არიან ხელისუფლებაში და მიუძღვით წვლილი მისი შვილის მკვლელობაში. ვინ შეასრულა, ამას უკვე გამოძიება დაადგენს", - განაცხადა ზაზა ხატიაშვილმა.

შეგახსენებთ, კასპის რაიონის სოფელ ყარაფილაში იური ვაზაგაშვილი შვილის, ზურაბ ვაზაგაშვილის, საფლავზე გარდაცვლილი იპოვეს. წინასწარი ინფორმაციით, ის ააფეთქეს.ყარაფილას სასაფლაოზე, სამართალდამცავები მთელი ღამის განმავლობაში იმყოფებოდნენ. ადგილზე ამ დროისთვისაც მობილიზებული არიან ექსპერტ კრიმინალისტები და საგამოძიებო მოქმედებები მიმდინარეობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან