იუსტიციის მინისტრის თეა წულუკიანის შეფასებით, საგამოძიებო მოქმედების ჩატარება ჩხრეკის ორდერის გარეშე, ადამიანის უფლებათა ევროპული კონვენციის დარღვევაა.
ამის შესახებ წულუკიანმა „ქრონიკასთან“ საუბარში განაცხადა.
მინისტრი მოხარულია, რომ პარლამენტი, „სისხლის სამართლის საპროცესო კოდექსის“ აღნიშნულ ცვლილებას აღარ განიხილავს.
„ეს ცვლილება პირდაპირ ეწინააღმდეგება სტრასბურგის სასამართლოს პრეცედენტს, რომელიც ამბობს, რომ საცავში, საცხოვრისში სამართალდამცველი ორგანოს წარმომადგენლის  მიერ შეღწევა, კანონით მკაცრად უნდა იყოს რეგულირებული. უნდა იყოს სამართლებრივი საფუძველი, სადაც არგუმენტები იქნება ჩამოწერილი. წინააღმდეგ შემთხვევაში ეს არის ადამიანის უფლებათა ევროპული კონვენციის მე–6 და მე–8 მუხლების დარღვევა“, – აღნიშნა წულუკიანმა.
ცნობისთვის, საპარლამენტო უმრავლესობის წარმომადგენლებმა  მანანა კობახიძე, დავით საგანელიძე, გედევან ფოფხაძე, ზვიად კვაჭანტირაძემ პარლამენტს განსახილველად „სისხლის სამართლის საპროცესო კოდექსის“ შესახებ კანონპროექტი წარუდგინეს.
აღნიშნული კანონპროექტის თანახმად  გადაუდებელი აუცილებლობის შემთხვევაში, საგამოძიებო მოქმედების ჩასატარებლად ჩხრეკის ორდერი აღარ გაიცემოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა