სტამბოლში მომხდარი აფეთქების შედეგად დაღუპულთა რაოდენობა 11-მდე გაიზარდა, სულ მცირე 36 ადამიანი დაშავებულია, - ამის შესახებ საინფორმაციო სააგენტო Reuters იუწყება.

სტამბოლის გუბერნატორის ვასიპ შაჰინის განცხადებით, დაღუპულთა შორის 7 პოლიციელია.

შეგახსენებთ, რომ სტამბოლის ცენტრალურ რაიონ ბეიაზიტ ვეზნეჯილერში მეტროპოლიტენთან ახლოს, დანაღმული ავტომობილი აფეთქდა.

ადგილობრივი მთავრობის ინფორმაციით, აფეთქების სამიზნე პოლიციის ავტობუსი იყო.

ამჟამად ქუჩა, სადაც აფეთქება მოხდა გადაკეტილია. ადგილზე სასწრაფო სამედიცინო დახმარების ბრიგადები მუშაობენ.

პასუხისმგებლობა აფეთქების ორგანიზებისთვის ჯერჯერობით არც ერთ დაჯგუფებას არ აუღია.

ცნობისთვის, თურქეთში ბოლო პერიოდში რამდენიმე აფეთქება მოხდა. ადგილობრივმა მთავრობამ აფეთქებებს ტერაქტის სტატუსი მიანიჭა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა