2015-02-13 16:08:38, 496 ნახვა
პოლიტიკა
ნოდარ ხადური უკრაინის ელჩს ვასილ ციბენკოს შეხვდა
ფინანსთა მინისტრი ნოდარ ხადური უკრაინის საგანგებო და სრულუფლებიან ელჩს საქართველოში ვასილ ციბენკოს შეხვდა.
ფინანსთა სამინისტროს ინფორმაციით, შეხვედრაზე მხარეებმა ორ ქვეყანას შორის სავაჭრო-ეკონომიკური პარტნიორობის საკითხები განიხილეს. ასევე, საუბარი შეეხო უკრაინის აღმოსავლეთ ნაწილში მიმდინარე მოვლენებს და მინსკში "ნორმანდიულ ოთხეულს" შორის მიღწეული შეთანხების შესრულების აუცილებლობას.
ფინანსთა მინისტრმა კიდევ ერთხელ დაადასტურა სრული მხარდაჭერა უკრაინელი ხალხის მიმართ და საქართველო-უკრაინის ეკონომიკური და სავაჭრო ურთიერთობის კიდევ უფრო გაღრმავების მზადყოფნა გამოთქვა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
