კასპის მუნიციპალიტეტის სოფელ ზემო ხანდაკში ეროვნული გვარდიის კასპის ბატალიონის პირველი მეთაურის, კასპის მუნიციპალიტეტის ყოფილი გამგებელის, პოლკოვნიკ ტარიელ შარიფაშვილის გარდაცვალების 30 წლისთავი აღინიშნა. აღნიშნულის შესახებ ინფორმაციას კასპის მუნიციპალიტეტის მერია ავრცელებს.

კასპის მერიის ცნობით, პოლკოვნიკი 1993 წლის 25 სექტემბერს, სოხუმის დაცვისას აფხაზეთში გმირულად დაიღუპა.

„ტარიელ შარიფაშვილის სახელობის სკვერში, ადგილობრივი თვითმმართველობის ხელმძღვანელი პირები, თანამებრძოლები, ყოფილი გვარდიელები,  ვეტერანების საქმეთა სახელმწიფო სამსახურის წარმომადგენლები, უწყების რეგიონული მართვის დეპარტამენტის შიდა ქართლის სამმართველოს თანამშრომლები, თანასოფლელები შეიკრიბნენ და მის ხსოვნას პატივი მიაგეს.

სამშობლოს ერთიანობისა და თავისუფლებისათვის დაღუპული გმირის ცხოვრებასა და მოღვაწეობაზე ისაუბრა, საქართველოს ვეტერანების საქმეთა სახელმწიფო სამსახურის წარმომადგენელმა კასპის მუნიციპალიტეტში ლავრენტი ბაიდაურმა.

ღონისძიებაში მონაწილეობდნენ მისივე სახელობის მშობლიური სკოლის პედაგოგები და მოსწავლეები.

ღონისძიებაზე იმყოფებოდნენ ტარიელ შარიფაშვილის  ქალიშვილი, თამარ შარიფაშვილი, შვილიშვილი და ახლობლები“,- აღნშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო