საქართველოს თავდაცვის ძალების დასავლეთ სარდლობის მე-2 ქვეითი ბრიგადის ბაზაზე მიღების, განთავსებისა და ოპერაციის რაიონში გადაადგილების (RSOM) კურსის დახურვის ცერემონიალი გაიმართა. ინფორმაციას ამის შესახებ საქართველოს თავდაცვის სამინისტრო ავრცელებს.

უწყების ცნობით, კურსი ჩეხეთის რესპუბლიკის მრავალეროვნული ლოჯისტიკის საკოორდინაციო ცენტრის (MLCC) მიერ სენაკში, მე-2 ქვეითი ბრიგადის ტერიტორიაზე და ქ. ფოთში, პორტის ნავსადგურში ჩატარდა.

სასწავლო პროგრამა პრაქტიკულ და თეორიულ მეცადინეობებს მოიცავდა. ორი კვირის განმავლობაში მსმენელებმა, როგორც სამშვიდობო ოპერაციების, ასევე საომარი მოქმედებების დროს ოპერაციის რაიონში ტვირთებისა და პირადი შემადგენლობის მიღება, განთავსება და გადაადგილება შეისწავლეს. მსმენელებმა ინფორმაცია ნატოს და პარტნიორი ქვეყნების განახლებული ლოჯისტიკური პროგრამების შესახებაც მიიღეს.

„კურსი საქართველოსა და ჩეხეთის თავდაცვის სამინისტროებს შორის ორმხრივი თანამშრომლობის გეგმის ფარგლებში ჩეხი ინსტრუქტორების მიერ ჩატარდა.

სასწავლო კურსი მიზნად ისახავდა ლოჯისტიკის თანამედროვე პროგრამების გაცნობას და ლოჯისტიკური ოპერაციების შესრულებას. ღონისძიებას თავდაცვის ძალების დასავლეთის სარდალი, ბრიგადის გენერალი კობა გრიგოლია და თავდაცვის ძალების წარმომადგენლები დაესწრნენ“, - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება

SOLO-ს მხარდაჭერით, თბილისი თანამედროვე ხელოვნების პირველ საერთაშორისო აუქციონს უმასპინძლებს

ადამიანის უფლებათა კომისარს მოუწოდეს გამოიძიოს ივანიშვილის რეჟიმის პრაქტიკა, გააშიშვლონ პატიმარი ქალები

მსჯავრში მყოფი, აქციაში მონაწილე რუსეთის მოქალაქეები კარტის თამაშის გამო 5000-5000 ლარით დააჯარიმეს