სახალხო დამცველის აპარატს ე.წ. კორტებთან ჩატარებული სპეცოპერაციის საქმის მასალები ჯერ არ გადასცემია. ამის შესახებ ომბუდსმენმა უჩა ნანუაშვილმა ჟურნალისტებს განუცხადა. შესაბამისად, სახალხო დამცველი პროკურატურის მიერ გავრცელებული ვერსიის შეფასებისგან თავს იკავებს.
"ჯერჯერობით ამ საქმესთან დაკავშირებით არანაირი მასალა არ გვაქვს. განვაცხადეთ, რომ ამ პროცესში ვიქნებოდით ჩართული, რათა საქმის მიმდინარეობას  თვალყური ვადევნოთ. როცა  დეტალური იფორმაცია გვექნება, გარკვეული დასკვნების გაკეთებაც მაშინ შეგვეძლება. ჯერჯერობით,  პროკურატურის მიერ გავრცელებულ ვერსიაზე კომენტარს ვერ გავაკეთებ. მთავარია,  გამოძიება, რომლის მოთხოვნაც წლების განმავლობაში იყო, დაწყებულია. დნარჩენი გამოჩნდება, თუ  რამდენად არის პროკურატურის ვერსია კონკრეტული მტკიცებულებებით გამყარებული".-განაცხადა უჩა ნანუაშვილმა და აქვე დასძინა, რომ  ე.წ. კორტების სპეცოპერაციის  საქმეზე დაკავებული 11 პირის ნებისმიერ შეტყობინებაზე რეაგირებას მოახდენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა