უკრაინის პრეზიდენტმა პეტრო პოროშენკომ სქართველოს ყოფილი პრეზიდენტი მიხეილ სააკაშვილი ოდესის საოლქო ადმინისტრაციის ხელმძღვანელად ოფიციალურად წარადგინა.

წარდგენის ცერემონიას ოდესის საოლქო საბჭოს ადმინისტრაციის თანამშრომლების და საზოგადოების წარმომადგენლები ესწრებოდნენ.

პოროშენკოს თქმით, სააკაშვილმა საკუთარი საქმიანობით ყველას დაანახა, რომ მას კარგი კრეატიული იდეები გააჩნია და მათი განხორციელება შეუძლია.

მისივე თქმით, სააკაშვილმა საქართველოში გამჭვირვალე, ეფექტური ანტიკორუფციული რეფორმები ჩაატარა, ქვეყანა უცხოელი ინვესტორებისთვის მიმზიდველი გახადა, სამართლიანი სასამართლო შექმნა და ადამიანის უფლებებსა და დემოკრატიის პრინციპებს იცავდა.

დღესვე, უკრაინის პრეზიდენტის საიტზე პოროშენკოს ბრძანება გამოქვეყნდა, სადაც ის სააკაშვილს უკრაინის მოქალაქეობას, უკრაინის განსაკუთრებული სახელმწიფოებრივი ინტერესის გამო ანიჭებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს