საგარეო საქმეთა მინისტრის, მიხეილ ჯანელიძის განცხადებით, არანაირი წინაპირობა არ არსებობს, რომ რუსეთმა ვიზების გაუქმებასთან დაკავშირებით გადაწყვეტილება მიიღოს.

როგორც მინისტრმა საგარეო ურთიერთობათა კომიტეტისა და ევროპასთან ინტეგრაციის კომიტეტის ერთობლივ  სხდომაზე განაცხადა, თუ რუსეთის ფედერაცია სავიზო რეჟიმის გაუქმებასთან დაკავშირებით შესაბამის გადაწყვეტილებას მიიღებს, ეს მისასალმებელი იქნება.

"მოგეხსენებათ, რომ ჩვენ ცალხმრივად ვიზები გაუქმებელი გვაქვს და არანაირი სავიზო შეზღუდვა ჩვენი მხრიდან არ არსებობს. არანაირი წინაპირობა არ არსებობს, იმისთვის, რომ რუსეთის ფედერაციამ ეს გადაწყვეტილება მიიღოს. მათ შეუძლიათ თავისუფლად, ცალმხრივად ეს გადაწყვეტილება მიიღონ. თუ ამ გადაწყვეტილებას მიიღებენ, რა თქმა უნდა მივესალმებით, თუმცა საქართველოს მხრიდან არანაირ ძალისხმევას არ საჭიროებს“, - აღნიშნა ჯანელიძემ.

ამასთან, საგარეო მინისტრი „პატრიოტთა ალიანსის“ დეპუტატ ადა მარშანიას გამოეხმაურა, რომელც ოკუპირებულ ტერიტორიებთან დაკავშირებული საკითხით დაინტერესდა.

"აბსოლუტურად ვეთანხმები ქალბატონ ადა მარშანიას, რომ ჩვენი მოსახლეობა არ ელოდება გადაადგილებას ევროპაში, არამედ ელოდება გადაადგილებას ოკუპირებულ ტერიტორიებზე. ზუსტად ჩვენი გადაადგილება ევროკავშირში ეს არის წინაპირობა იმისა, რომ ჩვენ გადავაადგილდებით ოკუპირებულ ტერიტორიებზე. სახელმწიფო, რომელიც იქნება ევროპული, თავისი ყველა სტანდარტით, იქნება ნაწილი ერთიანი ევროპის, ის გახსნის იმ შესაძლებლობებს ოკუპირებულ ტერიტორიებზე, რომელიც დღეს სამწუხაროდ დახურულია ოკუპანტის მიერ“, - განაცხადა ჯანელიძემ.

შეგახსენებთ, რუსეთის ფედერაციის პრეზიდენტმა ვლადიმერ პუტინმა განაცხადა, რომ  საქართველოსთვის რუსეთთან უვიზო მიმოსვლა შესაძლოა აღდგეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს