ბრაზილის საგარეო საქმეთა სამინისტრო  ბრაზილიასა და საქართველოს შორის გამარტივებული სავიზო რეჟიმის დამყარების შესახებ ინფორმაციას ავრცელებს.

მასში აღნიშნულია, რომ ბრაზილიამ და საქართველომ ურთიერთშეთანხმების საფუძველზე ორივე ქვეყნის მოქალაქეებისთვის შეღავათიან სავიზო რეჟიმი დაამყარეს. ტურისტული და ბიზნეს მიზნებით ბრაზილიაში მიმავალი საქართველოს მოქალაქეები 180 დღიან პერიოდში 90 დღის განმავლობაში უვიზოთ ყოფნას შეძლებენ. ანალოგიური რეჟიმი მოქმედებს ბრაზილიის მოქალაქეებისათვის საქართველოში. ბრაზილიის მხრიდან შეთანხმებას ხელი 2015 წლის 10 აპრილს მოეწერა. ბრაზილიას მსგავსი სავიზო რეჟიმი მსოფლიოს 81 ქვეყანასთან ააქვს.

ბრაზილიის საგარეო საქმეთა სამინისტროს ინფორმაციით საქართველომ და ბრაზილიამ ბოლო წლებში ორმხრივი ურთიერთობა საგრძნობლად გააღრმავეს. ორივე ქვეყანაში გაიხსნა საელჩოები, ვაჭრობა კი ბოლო 10 წლის განმავლობაში 228%-ით გაიზარდა. ბრაზილია მყარად უჭერს საქართველოს და მის პოზიციებს მხარს ყველა საერთაშორისო არენაზე, მათ შრის გაერთიანებული ერების უსაფრთხოების საბჭოზე.

ბრაზილიაში საქართველოს ელჩმა ოთარ ბერძენიშვილმა ოფიციალურად გადასცა საქართველოს საგარეო საქმეთა მინისტრის მიერ ხელმოწერილი დოკუმენტი ბრაზილიურ მხარეს, მინისტრის მოადგილეს კარლო ალბერტო სიმას მაგალიაისს. შეხვედრაზე ასევე  განხილულ იქნა ორმხრივი თანამშრომლობის პრიორიტეტები. აღინიშნა, რომ ხსენებული შეთანხმების გაფორმება წარმატებული თანამშრომლობის კიდევ ერთ წინგადადგმულ ნაბიჯს წარმოადგენს და მნიშვნელოვანი დატვირთვის მატარებელია როგორც სახელმწიფოთაშორისი პარტნიორობის, ისე ხალხთაშორისი ურთიერთობების თვალსაზრისით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო