საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი  სოზარ სუბარი, გიორგი მღებრიშვილის შს მინისტრად დანიშვნის გადაწყვეტილებას გამოეხმაურა.

 სუბარის შეფასებით, გიორგი მღებრიშვილმა  სხვადასხვა საპასუხისმგებლო თანამდებობაზე მუშაობის დროს, ძალიან წარმატებული კვალი დატოვა.

"გოგა მღებრიშვილს ძალიან დიდი ხნის ბიოგრაფია აქვს, მაგრამ მათ შორის ბოლო პერიოდში ძალიან საპასუხისმგებლო თანამდებობებზე იყო. იყო გუბერნატორი, სადაც ძალიან წარმატებული კვალი დატოვა, ერთ-ერთ ყველაზე რთულ სფეროში, სასჯელაღსრულების სამინისტროში ძალიან წარმატებული რეფორმები ჩაატარა",-განაცხადა სოზარ სუბარმა.

რაც შეეხება კახა კახიშვილის სასჯელაღსრულებისა და პრობაციის მინისტრად გადაყვანის გადაწყვეტილებას, სუბარი ამ ფაქტს მიესალმება და ამბობს, რომ კახიშვილი წლების განმავლობაში  ადამიანის უფლებების თავდაუზოგავი დამცველი იყო.

"კახიშვილს კარგად იცნობს საზოგადოება, როგორც უფლებადამცველს, თავდაუზოგავ მებრძოლს არაადამიანური რეჟიმის წინააღდეგ და ბოლო პერიოდში ის იყო გოგა მღებრიშვილის თანაგუნდელი და იმ რეფორმების თანამონაწილე",-აღნიშნა სოზარ სუბარმა "რუსთავი2"-თან საუბრისას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო