აფხაზეთთან და სამხრეთ ოსეთთან  ე.წ.  ხელშეკრულებასთან დაკავშირებით   პრეზიდენტთან კონსულტაციები გრძელდება.

გიორგი მარგველაშვილი ამწუთებში აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელ ვახტანგ ყოლბაიას და  ე.წ. სამხრეთ ოსეთის ადმინისტრაციის ხელმძღვანელ დიმიტრი სანაკოევს ხვდება.

როგორც ვახტანგ ყოლბაიამ შეხვედრის დაწყებამდე ჟურნალისტებს განუცხადა, რუსეთის  მხარეზე  ზეწოლა პარტნიორების მეშვეობით უნდა მოახდინონ და  უთხრან, რომ "ანექსია არავის გასვლია და არც ამ შემთხვევაში იქნება დადებითი შედეგის მომტანი" 

"რა თქმა უნდა, თემა ძალიან რთულია, მითუმეტეს იმ ფონზე, როცა დღეს რუსეთის დუმაში მიმდინარეობს ე.წ. მემორანდუმზე ხელმოწერის პროცედურა, ცერემონიალი, რასაც ჩვენ ველოდებოდით, ამაში ახალი არაფერია. ე.წ. პროცედურა გრძელდება. მთავარია,  ჩვენ აქ არ ავიყვანოთ იმ რანგში, რომ მოვექცეთ რაღაც ისტერიაში. უნდა გავაგრძელოთ მუშაობა ისე,  როგორც ამას ვაკეთებდით, ძალიან ფრთხილად, ფაქიზად, მშვიდად,  რამეთუ ჩვენ ძირითადი ძალა უნდა გვეგულებოდეს დასავლეთში, ჩვენი პარტნიორების მეშვეობით ისევ უნდა მოვახდინოთ ზეწოლა რუსეთის მხარეზე და კიდევ ერთხელ,  როგორც იტყვიან ხოლმე, მათ ვუთხრათ, რომ ასეთი რამის გაკეთება, რასაც ანექსია ჰქვია, არასდროს არავის გასვლია და არც ამ შემთხვევაში იქნება დადებითი შედეგის მომტანი",-განაცხადა ვახტანგ ყოლბაიამ.

შეხვედრაში ვახტანგ ყოლბაიასა და დიმიტრი სანაკოევის გარდა,  შემდეგი ორგანიზაციების წარმომადგენლები მონაწილეობენ:  "კავკასიური დიალოგი", სამართლებრივი დაცვის ინსტიტუტი, ნაციონალიზმისა და კონფლიქტების კვლევის ინსტიტუტი, "კავკასიური სახლი", სახალხო დამცველის ოფისი, ქართულ-აფხაზური ურთიერთობების ინსტიტუტი, ერგნეთის ცენტრი, გორის საინფორმაციო ცენტრი, "თანხმობა"

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა