მანანა კობახიძე: საჯარო მოხელეებმა მეტი მოთმინება უნდა გამოვიჩინოთ და ტერმინები შევარჩიოთ

2016-08-25 16:17:52, 1181 ნახვა

სპორტი

საპარლამენტო უმრავლესობის ერთ-ერთი ლიდერის მანანა კობახიძის განცხადებით, დავით ნარმანიას გუშინდელი ქმედება გადაჭარბებული იყო და დარწმუნებულია, რომ თბილისის მერი ნანობს საკუთარ ქმედებას.

„დავით ნარმანიას გუშინდელ გამონათქვამზე რა უნდა ვთქვა?! ეტყობა, ცოტა ნერვებმა უმტყუნა. რა თქმა უნდა, მისი გუშინდელი ქმედება გადაჭარბებული იყო და ნანობს მის საქციელს. რა თქმა უნდა, საჯარო მოხელეებმა მეტი მოთმინება უნდა გამოვიჩინოთ. შეიძლება, წყობიდან გამოვიდეს საჯარო მოხელე, მაგრამ ტერმინები უნდა შევარჩიოთ“, - აცხადებს კობახიძე.

შეგახსენებთ, რომ თბილისის მერმა დავით ნარმანიამ გუშინ მერიაში გამართულ შეხვედრაზე სამოქალაქო აქტივისტ ირაკლი კუპრაძეს “მაიმუნი ვირიშვილი” უწოდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან