შინაგან საქმეთა სამინისტროს თბილისის მთავარი სამმართველოს ისანი-სამგორის სამმართველოს პირველი განყოფილების თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 1970 წელს დაბადებული, წარსულში ნასამართლევი გიორგი თ. ძარცვის ბრალდებით თბილისში დააკავეს.

უწყების ინფორმაციით, დაკავებულმა თბილისში, ჯავახეთის ქუჩაზე, ღამით, მოქალაქეს ავტომანქანიდან ხელჩანთა გასტაცა, რომელშიც 110 ლარი, ოქროს ორი ყელსაბამი და პირადი დოკუმენტაცია იყო.
შსს-ს ცნობით, სამართალდამცველებმა, ჩატარებული სამძებრო ღონისძიებების შედეგად, გიორგი თ. მომხდარიდან სამ დღეში დააკავეს.

გამოძიებამ ასევე დაადგინა, რომ ბრალდებულმა ნაძარცვი ნივთები თბილისში, სხვადასხვა ლომბარდში, ფულის მიღების მიზნით ჩააბარა. პოლიციამ ოქროს ორივე ყელსაბამი ერთ-ერთი ლომბარდიდან ნივთმტკიცებად ამოიღო. დაკავებული აღიარებს ჩადენილ დანაშაულს.

სამინისტროში აცხადებენ, რომ გამოძიება მიმდინარეობს ძარცვის ფაქტზე, რამაც მნიშვნელოვანი ზიანი გამოიწვია (საქართველოს სსკ-ს 178-ე მუხლის მე-2 ნაწილით).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი