„რექტორის, კანცლერის, აკადემიური საბჭოს არჩევნები, კანონთან სრულ შესაბამისობაში ჩატარდა“, - ასე გამოეხმაურა ტექნიკური უნივერსიტეტის რექტორი არჩილ ფრანგიშვილი მისი გადადგომის მოთხოვნით მიდმინარე ლექტორების აქციას.

როგორც ფრანგიშვილმა აღნიშნა, ლექტორების მოთხოვნა უსაფუძვლოა, რადგან აკადემიურმა საბჭომ მისი დანიშვნის შესახებ გადაწყვეტილება იურიდიულად სწორად მიიღო.

„რექტორის, კანცლერის, აკადემიური საბჭოს არჩევნები ჩატარდა სრულ შესაბამისობაში კანონთან. განათლების სამინისტრომ ჩაატარა მოკვლევა და დაადგინა, რომ ტექნიკური უნივერსიტეტი არის აბსოლუტურად სწორი ამ საკითხებში. მათ მიმართეს სასამართლოს. ის რაც დღეს ხდება, არის პირდაპირი ზეწოლა სასამართლოზე. ამ პიროვნებების საკითხი განიხილება ფაკულტეტის საბჭოებზე, მათ გადასცეს საკითხები ეთიკის კომისიას. ეთიკის კომისია სწავლობს მათ საკითხს. ესეც რა დღეს ხდება, არის პირდაპირი ზეწოლა ეთიკის კომისიაზე“, - განაცხადა არჩილ ფრანგიშვილმა.

შეგახსენებთ, თბილისის სახელმწიფო უნივერსიტეტის შემდეგ რექტორის გადადგომის მოთხოვნით აქციები ტექნიკურ უნივერსიტეტში დაიწყო. პროფესორებმა შიმშილობის გადაწყვეტილება მიიღეს. ისინი არჩილ ფრანგიშვილის გადადგომას ითხოვენ. როგორც პროფესორები აცხადებენ, აკადემიურმა საბჭომ, ფრანგიშვილი მესამე ვადით უკანონოდ აირჩია და მას განათლების მინისტრი მფარველობს.

“ვაპროტესტებთ უკანონობას, რომელიც სუფევს ტექნიკურ უნივერსიტეტში. არჩევით ორგანოებში, დემოკრატიულ სახელმწიფოებში, ერთი და იგივე პიროვნების ზედიზედ სამი ვადით არჩევა არ შეიძლება. ეს კანონი ჩვენთან უხეშად დაირღვა. მესამე ვადით არის არჩეული რექტორი, მესამე ვადით არის არჩეული კანცლერი, მესამე ვადით არის არჩეული აკადემიური საბჭოს 5 წევრი“, - განაცხადა საქართველოს ტექნიკური უნივერსიტეტის პროფესორმა ზაალ მიქაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს