საქართველოს იუსტიციის სამინისტროს მმართველობის სფეროში მოქმედ სსიპ „დანაშაულის პრევენციის ცენტრს“ ყირგიზეთიდან არასრულწლოვანთა საკითხებზე მომუშავე სამთავრობო და არასამთავრობო ორგანიზაციების წარმომადგენლები ესტუმრნენ. 

დელეგაციას დანაშაულის პრევენციის ცენტრის დირექტორი ჯონი კვინიკაძე, დირექტორის მოადგილე გიორგი პაპავა და პროგრამების ხელმძღვანელები შეხვდნენ.  

სტუმრები საქართველოში არასრულწლოვანთა დანაშაულის პრევენციისკენ გადადგმული ნაბიჯებით, მიმდინარე პროგრამებითა და სახელმწიფო პოლიტიკით დაინტერესდნენ. ჯონი კვინიკაძემ დელეგაციის წევრებს სსიპ „დანაშაულის პრევენციის ცენტრის“ ძირითადი საქმიანობა და პროგრამები გააცნო. ყირგიზელმა უფლებადამცველებმა შეხვედრა თავდაპირველად თბილისის იუსტიციის სახლში, მოგვიანებით კი მედიაციის სახლში გამართეს. 

სტუმრებმა ყველაზე დიდი ინტერესი არასრულწლოვანთა განრიდებისა და მედიაციის პროგრამის, ასევე დანაშაულის პრევენციის მეორე დონის სამმართველოს (დანაშაულის ჩადენის რისკ ფაქტორების მატარებელი არასრულწლოვნები) საქმიანობის მიმართ გამოთქვეს. როგორც სტუმრებმა აღნიშნეს, მათთვის ძალიან მნიშვნელოვანია საქართველოს გამოცდილების გაზიარება და ამ მიმართულებით სამომავლო თანამშრომლობის სურვილი გამოთქვეს. დელეგაციას ყირგიზეთის შინაგან საქმეთა სამინისტროს არასრულწლოვანთა დანაშაულთან ბრძოლის განყოფილების უფროსი ხელმძღვანელობდა. დელეგაციაში ასევე შედიოდნენ პოლიციის აკადემიის ხელმძღვანელი პირები და ბავშვთა უფლებებზე მომუშავე არასამთავრობო ორგანიზაციების წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა