საქართველოში ვიზიტით ნატოს თავდაცვის კოლეჯის წარმომადგენლები იმყოფებიან. კოლეჯის ხელმძღვანელი გენერალ-მაიორი იანუშ ბოჟარსკი, უმაღლესი კურსის მსმენელებთან ერთად, საქართველოში შეიარაღებული ძალების გენერალური შტაბის მოწვევით ჩამოვიდა.
გენერალ-მაიორი იანუშ ბოჟარსკი გენერალური შტაბის უფროსის პირველმა მოადგილემ, ბრიგადის გენერალმა ვლადიმერ ჩაჩიბაიამ მიიღო. შეხვედრაზე საუბარი შეეხო რეგიონში არსებულ უსაფრთხოების გარემოს, ჰიბრიდულ საფრთხეებს, საქართველოს თავდაცვის უწყებასა და ნატოს თავდაცვის კოლეჯს შორის თანამშრომლობის გაღრმავებას.
დღესვე, ბრიგადის გენერალი ვლადიმერ ჩაჩიბაია ნატოს თავდაცვის კოლეჯის სტუდენტებს თავდაცვის სამინისტროს შემეცნებით-საგანმანათლებლო ცენტრში მიესალმა. მან სტუმრებს ჩამოსვლისთვის მადლობა გადაუხადა და საქართველოს შეიარაღებულ ძალებში მიმდინარე რეფორმები გააცნო. გენერალ-მაიორმა იანუშ ბოჟარსკიმ სიტყვით მიმართვისას, საქართველოში ვიზიტისა და თანამშრომლობის გაღრმავების მნიშვნელობაზე გაამახვილა ყურადღება. მან ავღანეთში „მტკიცე მხარდაჭერის“ მისიაში ქართველი სამხედრო მოსამსახურეების ჩართულობასა და მათ როლზეც ისაუბრა.
თავდაცვის სამინისტროს შემეცნებით-საგანმანათლებლო ცენტრში შეკრებილ სტუმრებს თავდაცვის უწყების წარმომადგენლები და მოწვეული სტუმრები შეიარაღებულ ძალებში განხორციელებულ და მიმდინარე რეფორმებზე, ევროატლანტიკურ სტრუქტურებში საქართველს ინტეგრაციის პერსპექტივებზე, რეგიონული უსაფრთხოების საკითხებსა და არსებულ გამოწვევებზე პრეზენტაციებს წარუდგენენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი