საუდის არაბეთის სამეფოს დედაქალაქ რიადში საქართველოს საელჩომ ფუნქციონირება დაიწყო.

როგორც "ექსპრესნიუსს" საგარეო საქმეთა სამინისტროდან აცნობეს, საელჩოს შენობა განთავსებულია მისამართზე რიადი, ალ-ვურუდი, პრინც ფეისალ ბინ საად ბინ აბდულრაჰმანის ქუჩა N 60. შენობაზე 12 იანვარს ქართული ხუთჯვრიანი დროშა ოფიციალურად აღიმართა.

"საქართველოს მისია საუდის არაბეთში 2014 წლის თებერვალში დაფუძნდა. უკვე დასრულდა საელჩოს სრულფასოვანი ფუნქციონირებისთვის საჭირო ყველა პროცედურა. საუდის არაბეთის სამეფოში საქართველოს საელჩოს გახსნა მნიშვნელოვანია არაბეთის ნახევარკუნძულის ქვეყნებთან ურთიერთობების განვითარებისა და სავაჭრო-ეკონომიკური თანამსრომლობის გაღრმავებისთვის. მისიის მთავარი საქმინობაც საუდის არაბეთის სამეფოსთან ორმხრივი ურთიერთობების განვითარებისა და GCC-სა (Gulf Cooperation Council) და OIC-ის (Organisation of Islamic Cooperation) სამდივნოებთან თანამშრომლობის გაღრმავებისკენ იქნება მიმართული. მიმდინარეობს მუშაობა რიადიდან ომანის სასულთნოს, ბაჰრეინის სამეფოსა და იემენის რესპუბლიკის დიპლომატიური გადაფარვის განხორციელების მიზნით. საუდის არაბეთის სამეფოში საქართველოს ელჩი გახლავთ გიორგი ჯანჯღავა", - ნათქვამია საგარეო უწყების განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს