აშშ რუსეთის მიერ ოკუპირებულ რეგიონებთან, აფხაზეთთან და სამხრეთ ოსეთთან გაფორმებულ „ხელშეკრულებებს“ არ აღიარებს.

ამის შესახებ აშშ სახელმწიფო დეპარტამენტის პრესსმდივანმა ჯენ ფსაკიმ განაცხადა.

მისივე თქმით, აფხაზეთი და სამხრეთ ოსეთი საქართველოს განუყოფელი ნაწილია.

ფსაკის განცხადებით, აშშ საქართველოს ტერიტორიულ მთლიანობასა და სუვერენიტეტს მხარს უჭერს.

 „სამხრეთ ოსეთსა და აფხაზეთთან მიმართებაში აშშ–ს პოზიცია უცვლელია. ეს ტერიტორიები საქართველოს განუყოფელი ნაწილია. ჩვენ მხარს ვუჭერთ საქართველოს დამოუკიდებლობას, სუვერენიტეტსა და ტერიტორიულ მთლიანობას. არ ვცნობთ არც წინა და ამჟამინდელ არალეგიტიმურ ხელშეკრულებებს, რომელიც  რუსეთსა და სამხრეთ ოსეთს შორის გაფორმდა“, – აღნიშნა ჯენ ფსაკიმ.

ცნობისთვის,  რუსეთის ფედერაციასა და ოკუპირებულ  სამხრეთ ოსეთს შორის „მოკავშირეობისა და ინტეგრაციის შესახებ" ე.წ.  ხელშეკრულებას  მხარეები დღეს მოსკოვში გააფორმებენ. ამის შესახებ განცხადება კრემლის ოფიციალურ გვერდზეა გამოქვეყნებული. მოკავშირეობისა და ინტეგრაციის შესახებ ხელშეკრულებას ხელს რუსეთის  ფედერაციის პრეზიდენტი ვლადიმერ პუტინი და ოკუპირებული  სამხრეთ ოსეთის  პრეზიდენტი ლეონიდ თიბილოვი მოაწერენ.  შეგახსენებთ,   ე.წ.  ხელშეკრულების გაფორმება 11 მარტს იგეგმებოდა, თუმცა გარკვეული მიზეზების გამო გადაიდო. აღნიშნულ ფაქტს რუსული მედია ვლადიმერ პუტინის ჯამრთელობასთან დაკავშირებულ პრობლემებს უკავშირებს, რადგან პუტინი 1 კვირაზე მეტი ხნის განმავლობაში საზოგადობის წინაშე არ გამოჩენილა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს